१९ असार २०८३, शुक्रबार
सामाजिक कथामा निर्माण हुँदै आएको लोकप्रिय सिरियल ‘जुठे’ले १ सय भाग पुगेको उपलक्ष्यमा खुशी साटेको छ ।
बुधवार राजधानीमा वरिष्ठ अभिनेता मदनकृष्ण श्रेष्ठ र हरिवंश आचार्यको प्रमुख आतिथ्यतामा एक कार्यक्रम गर्दै निर्माण टिमले सफलताको खुशी साटेको हो ।
उक्त अवसरमा सिरियलले गोल्फुटारमा रहेको अनाथ बेसहारा आश्रम रीमा सेवा समाजलाई एक लाख रुपैयाँ आर्थिक सहयोग समेत गरेको छ ।
यो सिरियललाई मरिचमान श्रेष्ठ ‘ बल्छी धुर्वे’ र राजु पौडेल ‘राजु माष्टर’ले संयुक्त रुपमा लेखन एवं निर्देशन गर्दै आएका छन् ।
हिमालय टेलिभिजनसहित युट्युबमा मास्टर टीभीबाट प्रशारण हुँदै आएको सिरियलमा मरिचमान र राजुसँगै रवी गिरी, विद्या कार्की, रामबाबु रेग्मी, मुकुन्द मैनाली, शर्मीला शर्मा, श्री प्रसाद थापा, यूनिशा ढुंगाना लगायतको अभिनय रहँदै आएको छ ।
सिरियलले युट्युबमा निकै राम्रो भ्युज पाउँदै आएको छ ।
