२३ असार २०८३, मंगलबार
भारतीय सिनेमाघरहरूमा यतिबेला पुग्ने दर्शकलाई कुन फिल्म हेर्ने भनी अन्योल भइरहेको छ।
२५ जनवरीमा रिलिज भएको ‘पठान’ बक्स अफिसमा सफलतापूर्वक उभिरहेको छ भने पठानको आँधीको बीचमा ‘तु झुठी मै मक्कर’ पनि टाउको माथि राखेर उभिएको छ ।
पछिल्ला दुई दिनदेखि 'पठान' सङ्कलनमा लगातार गिरावट आएको भए पनि शनिबार फेरि ह्वात्तै बढेको छ ।
योसँगै रणवीर–श्रद्धाको फिल्म 'तु झुठी मै मक्कारले पनि राम्रो कमाइ गरेको छ ।
रणवीर र श्रद्धा स्टारर फिल्मले हलमा दर्शक तान्न सफल भएको देखिएको छ।
प्रारम्भिक तथ्यांकअनुसार फिल्मले शनिबार १६ करोड भारु कमाएको छ । योसँगै फिल्मको कुल कलेक्सन अहिलेसम्म ५२.५९ करोड रुपैयाँ पुगेको छ ।
पहिलो दिनदेखि नै रेकर्डतोड व्यापार गरेको 'पठान' को कलेक्सन पनि अहिलेसम्म कायमै छ।
पठानले शुक्रबार (४५ औं दिन) ३६ लाख रुपैयाँ कमायो । पठानको रिलिजपछिको यो सबैभन्दा कम संकलन हो ।
तर, शुक्रबारको तुलनामा शनिबार फेरि यसको संकलन झण्डै दोब्बरले बढेको छ ।
