२९ असार २०८३, सोमबार
अजय देवगणको नयाँ फिल्म भोला बिहीवार भारतमा सार्वजनिक भएको छ ।
अघिल्लो फिल्म दृश्यम २ सुपरहिट भएपछि अजय र तब्बुको नयाँ फिल्मका लागि दर्शकहरू उत्साहित थिए । तर भोलाको कथा झूर भएको भनी समीक्षकहरूले बताइरहँदा दर्शकहरूले पनि यसलाई चिसो प्रतिक्रिया दिएका छन् ।
पहिलो दिनको बक्स अफिस कलेक्शन हेर्दा यो फिल्म धेरै नचल्ने देखिएको छ । बिहीवार रामनवमीको छुट्टीमा सार्वजनिक भएको फिल्म लगभग ४ हजार स्क्रीनमा देखाइएको थियो ।
तमिल फिल्म कैदीको आधिकारिक हिन्दी रिमेकका रूपमा रहेको भोलालाई अजय स्वयंले निर्देशन गरेका हुन् ।
पहिलो दिन यस फिल्मले ११.५० करोड भारुको कमाइ गरेको छ । फिल्मको भारी बजेटलाई हेर्दा यो थोरै कमाइ हो ।
फिल्म बनाउन १२० करोड भारुभन्दा बढी खर्च भएको छ । आगामी दिनहरूमा फिल्मको कलेक्शनले गति नसमातेमा यो फ्लप हुने खतरा छ ।
