काठमाडौं, १६ भदौ— नेपाल आइडलको शुक्रबारको सोबाट कोहि पनि प्रतिस्पर्धी बाहिरिएनन्।
आइडलका जजहरु न्ह्यु बज्राचार्य, इन्दिरा जोशी र कालीप्रसाद बास्कोटाले आजको सोबाट कुनै पनि प्रतिस्पर्धी नबाहिरिने र अर्को सातामात्रै टप थ्रीको छिनोफानो हुने बताए ।
भोटिङको आधारमा हरेक साता एक प्रतियोगि बाहिरिँदै आएको भएपनि आज जजहरुले आफ्नो भिटो प्रयोग गर्दै नतिजा एक साता पर सारेका हुन् ।
आइडलको टप ४ मा निशान भट्टराई, सागर आले, प्रताप दास र बुद्ध रहेका छन् ।
यसैबीच आज प्रतिस्पर्धीले पाएको कूल भोट समेत सार्वजनिक गरियो । आयोजकका अनुसार बिहिबारदेखि आज मध्यान्हसम्ममा देश तथा विदेशबाट ४ प्रतिस्पर्धीलाई जम्मा ३७ लाख २० हजार २ सय ८० भोट प्राप्त भएको जानकारी दिइयो ।
आइडलबाट थप थ्रीमा पुगेका प्रतिस्पर्धीबीच ग्राण्ड फिनाले हुने छ र फिनाले कतारको राजधानी दोहामा गर्ने तय गरिएको छ ।
फिनालेमा सहित आइडलका टप १२ प्रतिस्पर्धीको प्रस्तुती रहने आयोजकले बताएको छ ।
