२२ असार २०८३, सोमबार
सलमान खानको नयाँ फिल्म किसी का भाई किसी की जानले बक्स अफिसमा खासै गतिलो प्रदर्शन गर्न सकेको छैन ।
चार वर्षपछि ईदको दिन सलमान खानको फिल्मबाट प्रशंसकहरूले जस्तो आशा गरेका थिए त्यो पूरा नहुने देखिएपछि निर्देशक फरहाद सामजीलाई सराप्न थालिएको छ । यिनलाई हेराफेरी ३ को निर्देशन गर्न दिन नहुने माग समेत प्रशंसकहरूले राखेका छन् ।
किसी का भाई किसी की जानले पहिलो दिन लगभग १३ करोड भारु कमाएको थियो जुन सलमान जस्तो सुपरस्टारका लागि सानै ओपनिङ हो । अनि ईदको दिन शनिवार फिल्मले २५ करोड भारु कमायो ।
शाहरुख खानको पठानको तुलनामा यो कमाइ एकदमै कम हो । यसको दोष सलमानलाई निर्देशक सामजीलाई प्रशंसकहरूले दिइरहेका छन् ।
यो फिल्म दक्षिण भारतीय वीरम् को रिमेक हो । वीरम लाई दर्शकहरूले मन पराएको तर हिन्दी फिल्मको पटकथामा अनेकौं समस्या भएकाले दर्शकहरूलाई मजा नआएको बताइएको छ ।
यस्तो अवस्थामा आइकोनिक फिल्म हेराफेरीको तेस्रो संस्करणमा निर्देशक फरहाद सामजीलाई राख्नु ठीक नहुने प्रशंसकहरूको भनाइ छ ।
