२६ जेठ २०८३, मंगलबार
स्थानीयबासीको विरोधका बीच काठमाडौंको फोहोर बोकेका गाडी ५ दिनपछि बञ्चरे डाँडामा पुगेका छन् ।
प्रहरीले बल प्रयोग गर्ने बताएपछि शुक्रवार अपरान्ह ४ बजेपछि फोहोर बोकेका दर्जनौं गाडी बञ्चरेडाँडा तर्फ गएका हुन् ।
विगतमा भएका सहमति कार्यान्वयनको माग राख्दै स्थानीयले साउन १ गतेदेखि बञ्चरेडाँडामा फोहर फाल्न स्थानीयले अवरोध गरेका थिए । काठमाडौंका सडकमा फोहर थुप्रिएपछि प्रहरीसँगको समन्वयमा राजधानीको फोहोर विसर्जन शुरू भएको हो ।
प्रहरीको सुरक्षापछि फोहोर बोकेका दर्जनौं गाडी बञ्चरेडाँडा पुगेका छन् । सानो संख्यामा उपस्थित महिलाहरूले फोहोरका गाडीलाई अवरोध गर्न खोजे पनि प्रहरीले बाटो खुलाएको थियो ।
