सुगम  क्षेत्रका  कार्यालमा  सरुवा  हुन  चाहनेको  निवेदनको  चाङ  सङ्घीय  मामिला  तथा सामान्य प्रशासन मन्त्रालयमा निकै ठुलो भइसकेको छ । तर सुगमबाट दुर्गम जान एउटा पनि निवेदन परेको छैन । 

मन्त्रालयले गत बिहीबार दुर्गम क्षेत्रमा काम गरेका कर्मचारीलाई सुगममा र सुगममा काम गरेका कर्मचारीलाई दुर्गम क्षेत्रमा सरुवा भई जान नौ दिनको समयसीमा दिएको थियो । 

मङ्गलबारसम्म १६१ जना कर्मचारीले सुगम क्षेत्रमा सरुवा भई जानका लागि मात्र निवेदन दिएका छन् । दुर्गम क्षेत्रमा कामकाज गर्नका लागि भने कुनै पनि कर्मचारीले निवेदन नदिएको सङ्घीय मामिला  तथा  सामान्य  प्रशासन  मन्त्रालयले  जनाएको  छ  ।  निवेदन  दिनेमा  खरिदारदेखि  उपसचिव स्तरसम्मका कर्मचारी छन् । गोरखापत्रमा खबर छ ।