२७ असार २०८३, शनिबार
नक्कली शैक्षिक प्रमाणपत्रको अभियोगमा पक्राउ परेका सांसद सुनिल शर्माको आईएस्सीको प्रमाणपत्र नक्कली भएको पुष्टि भएको छ।
लोकान्तरलाई प्राप्त प्रमाणपत्रमा राष्ट्रिय परीक्षा बोर्डले उनको शैक्षिक प्रमाणपत्र कैफियत जनाउँदै ‘अपुष्ट’ भनेको छ ।
प्रहरीको केन्द्रीय अनुसन्धान ब्यूरा (सीआईबी) ले २०७८ साउन २० गते प्रमाणपत्रको बारेमा सत्य–तथ्य बुझ्न भन्दै परीक्षा बोर्डमा पत्र पठाएको थियो । त्यसको जवाफ बोर्डले २०७९ असार १९ पठाएको थियो ।
उसले पठाएको जवाफमा सन् १९९६ सालमा रोल कोड ६५०४ र रोल्न नम्बर १०११७ मा आईएस्सी तहमा कैफियत भएको बताएको छ ।
यस्तै, सीआईबीले पठाएको पत्रमा बिहार स्कूल परीक्षा बोर्डले पनि कैफित भएको जवाफ पठाएको छ । बिहार परीक्षा बोर्डले सन् २०२२ जुन २३ गते त्यसको जवाफ पठाएको प्रमाण लोकान्तरलाई प्राप्त भएको छ ।
त्यसमा कैफियत देखिएका मध्येका ५ औं नम्बरमा रहेका सुनिलको ‘डीफर फर्म बीएसईबी पट्ना रेकर्ड’ भनेको छ ।
आज काठमाडौं जिल्ला अदालतले सांसद शर्मालाई तारेखमा राखेर अनुसन्धान गर्न आदेश दिएको छ । उनलाई सीआईबीले लिखत किर्तेमा अनुसन्धान गर्नका लागि अदालत पुर्याएको थियो ।
