उदय सुब्बाको निर्देशनमा निर्माण भएको फिल्म ‘दुई कदम’को प्रदर्शन मिति घोषणा गरिएको छ । सोमवार फिल्मको पोस्टर सार्वजनिक गर्दै प्रदर्शन मिति घोषणा गरिएको हो । यो फिल्म मङसिर २९ गतेबाट सार्वजनिक प्रदर्शनमा आउनेछ । 

फिल्मको सार्वजनिक एक पोस्टरमा डेब्यु अभिनेता इओन लिम्बु र डेब्यु अभिनेत्री सिमोन गिरी रोमान्टिक अवतारमा प्रस्तुत छन् ।

दोस्रो पोस्टरमा अभिनेता गौरव पहारी हातमा बन्दुक लिएर पड्काउँदै गरेको देखिएका छन्, जसमा डेब्यु अभिनेत्री गिरी डराएको हाउभाउमा छिन् । 

अजम्बरी फिल्मसको प्रस्तुति रहेको फिल्ममा गौरव, इओन र सिमोनका अलवा सुनील थापा, कविता आले, बुद्धि तामाङ, अर्जुन गुरुङ, विमला लिम्बु, जीवन लिम्बु, चन्दा दाहाल र प्रीतिका शर्मा लगायतको पनि अभिनय छ । फिल्मको एक गीतमा अभिनेता विल्सन विक्रम राईले पनि विशेष भुमिका निर्वाह गरेका छन् । यो फिल्ममा तारा देवी लिम्बुको लगानी छ । 

दयाराम घिमिरेको कथा तथा पटकथा लेखन रहेको फिल्मलाई विक्रम डिसीले छायांकन, प्रविन ढकालले सम्पादन गरेका हुन् ।