चैत ३०, २०८०
लोकान्तर डट्कमका स्तम्भकार कमल रिजालसहित २२ जना साहित्यकार तथा प्रतिभालाई नइ पुरस्कार प्रदान गरिएको छ । गोरखापत्रका पूर्वप्रधान सम्पादकसमेत रहेका साहित्यकार रिजाललाई संस्कृतिमा प्राज्ञिक योगदानका लागि ’नइ...
राजनीतिशास्त्री, संविधानविद्, अर्थविद् र प्राध्यापकले समकालीन नेतृत्वको भिजन र हुटहुटी बीपी कोइराला पहिलोपटक प्रधानमन्त्री हुँदा जत्तिको पनि नभएको बताएका छन् । नेपाली कांग्रेसले बीपीको ११० औं जन्मजयन्तीका अवसरमा केन्द्रीय कार्यालय ललितपुरको सानेपामा गरेको बीपी साहित्य महोत्सवमा उनीहरूले बीपीमा ६५ वर्ष अगाडि भएको जत्ति भिजन र हुटुहटी समकालीन नेतृत्वमा नभएको बताएका हुन् । ‘बीपीले नपाएको १५ वर्ष’ सेसन कार्यक्रमका सहभागी उनीहरूले बिपीको चिन्तन, योजना र कार्यशैली लोभलाग्दो भएको बताएका हुन् ।
कांग्रेस महामन्त्री गगन थापाले सहजीकरण गर्दै बीपीले नपाएको १५ वर्षमा मात्रै होइन र नेपाल र नेपालीले नै गुमाएको १५ वर्ष भन्दै सहभागीलाई प्रश्न गरेका थिए ।
थापाको प्रश्नमा राजनीतिशास्त्री र लेखक हरि शर्माले बीपीले १८ महिना पाउँदा भूमिसुधार, औद्योगिक विकास र परराष्ट्र प्रभावकारी काम गर्न सकेको बताए ।
‘हाम्रो राजनीतिमा बीपीले के देखाउनुभएको छ भने १८ महिनामा पनि काम गर्न सकिन्छ । उहाँले भूमिसुधार, औद्योगिक विकास र परराष्ट्र नीतिमा सुधारका काम गर्नुभयो,’ शर्माले भने, ‘राजनीतिककर्मीमा चिन्ता देखिन्छ । काम गर्ने र हुटहुटी कार्यक्रम चाहिन्छ भन्ने मुख्य विषय हो ।’
शर्माले विभिन्न पदमा भएका र जान खोज्नेले बीपीको पदचापको सकारात्मक प्रभावलाई आत्मसात गर्नुपर्ने बताए ।
‘अहिले पनि पार्टी राजनीतिमा पदमा भएका र जान खोज्ने थुप्रै हुनुहुन्छ । यस्तोमा बीपीले १५ वर्ष पाएको भए के हुन्थ्यो भन्ने मात्रै पनि होइन । अवसर पाउँदा बीपीले थालेको प्रयासमा के गर्यौं भन्ने मुख्य विषय हो,’ उनले भने ।
‘परिवर्तन सम्भव छ तर हुटहुटी चाहिन्छ’ भन्ने बिपीबाट आजको पुस्ताले सिक्नुपर्ने उनको भनाइ छ ।
२०१५ सालको निर्वाचनपछि जेठमा संसद्को बैठक बसे पनि बीपीले असोजमा नै भूमिसुधारको कार्यक्रम ल्याएका थिए ।
अर्थविद् एवं प्राध्यापक अच्युत वाग्लेले बीपीलाई आर्थिक पाटोबाट चिन्ने र पढ्ने काम नै नभएको बताए ।
‘बीपीले दोस्रो पञ्चवर्षीय योजना प्रस्तुत गर्दा आवधिक योजना र विकासका लाग २२ करोडको योजना ल्याउनुभयो । तर अर्कोमा १ अर्ब ९६ करोडको आयो । यो भनेका ९ गुणा बढी हो । यसमा पनि विकास खर्च १ अर्ब ५२ करोड थियो,’ वाग्लेले भने, ‘बीपी भूमि सुधार मुख्य हो भनेर लाग्नुभयो । जमिनसँग जुध्ने, खेल्ने र जोत्ने हो भन्ने उहाँको मान्यता थियो । सातौं र आठौं योजनामा पनि यस्तै अन्तर थियो । यसले पनि के देखाउँछ भने बीपी भिजनरी हुनुुहुन्थ्यो । स्रोत, साधन र योजनावद्ध विकासको चिन्तक हुनुहुन्थ्यो भन्ने देखाउँछ ।’
संविधानविद् विपिन अधिकारीले बीपीको रुपान्तरणको उर्जा झ्यालखानामा बन्धक भएको बताए । ‘बीपीले १५ वर्ष पाउनुभएको भए भूमि सुधार, शिक्षा, विकास र आधारभूत संरचनाको विकास हुन्थ्यो,’ अधिकारीले भने, ‘तर बीपीको रुपान्तरणका उर्जा झ्यालखानामा बन्धक भयो ।’
प्राध्यापक मञ्चलला झाले बीपीले १८ महिना अवसर पाउँदा १६ सय विद्यालय बनाएको बताइन् ।
‘१८ महिनाको अवसर पाउँदा बीपीले १६ सय विद्यालय स्थापना गर्नुभयो । यो सहज राजनीतिक अवस्थामा पनि सम्भव हुने कुरा थिएन । केही न केही निरंकुशतमा हुँदा पनि उहाँले गर्नुभयो,’ झाले भनिन्, ‘तर अहिले अरबौं लगानी लगाउँदा पनि २० औं वर्षसम्म पनि योजना पूरा भइरहेका छैनन् ।’
बीपीले १५ वर्ष पाएको भए अहिले नेपालीले विदेश जाने र ५ केजी मलका लागि प्रहरीको लाठी खाने दिने नआउने उनले बताइन् ।
बीपीमा समाजको विविधतालाई जोड्ने गज्जबको शैली भएको पनि उनले बताइन् ।
‘बीपीमा तराई, पहाड भन्ने भावना थिएन । उहाँका योजना र कार्यक्रममा समाजका विविधतलाई हेर्नुभयो,’ उनले भनिन्, ‘प्रत्येक नेपालीलाई मध्यम वर्षको बनाउने उहाँको सपना थियो । यस्तो भएको हामी ४० वर्ष अघि नै विकासशील देशमा प्रवेश गर्ने थियौं ।’
तर पटकपटक सरकारमा गए पनि कांग्रेसले बीपी मान्यतालाई पूरा नगरेको उनले बताइन् ।
लोकान्तर डट्कमका स्तम्भकार कमल रिजालसहित २२ जना साहित्यकार तथा प्रतिभालाई नइ पुरस्कार प्रदान गरिएको छ । गोरखापत्रका पूर्वप्रधान सम्पादकसमेत रहेका साहित्यकार रिजाललाई संस्कृतिमा प्राज्ञिक योगदानका लागि ’नइ...
गजलकार एवं गीतकार प्रकट पंगेनी ‘शिव’को निधन भएको छ । जन्डिस र निमोनियाबाट गम्भीर बिरामी उनको पोखराको मणिपाल शिक्षण अस्पतालमा उपचारका क्रममा मंगलवार निधन भएको हो । स्वास्थ्यमा समस्या आएपछि पंगे...
गुणराज ढकाल सामाजिक सञ्जालमा अभ्यस्त हुन थालेपछि अध्ययन गर्ने बानी निकै घटेको छ । सामाजिक सञ्जालमा आउने टिप्पणीबाटै हामीले आफ्नो दृष्टिकोण बनाउने गर्दछौं । विषयको गहिराइसम्म पुगेर अध्ययन तथा विश्लेषण गर...
पहाडमा उखु पेलेर खुदो पकाउने समय पारेर मधेशको गर्मी छल्न राजेन्द्र काका (ठूलो भुँडी लागेकाले हामीले मोटे अंकल भन्थ्यौं) गुल्मीको पहाड घरमा आउँथे । चैत–वैशाखको समयमा कोलबाट पेल्दै गरेको उखुको रस, रसेट...
दिवंगत साहित्यकार प्रकट पङ्गेनी (शिव) का प्रकाशन हुन बाँकी कृति गण्डकी प्रज्ञा–प्रतिष्ठानले प्रकाशन गरिदिने भएको छ । प्रतिष्ठानका कुलपति सूर्य खड्का विखर्चीको अध्यक्षतामा बिहीबार बसेको बैठकले गजलकार ...
लेखक एवं पत्रकार अखण्ड भण्डारीको उपन्यास ‘बोरा’ विमोचन भएको छ । अन्नपूर्ण पोस्ट दैनिकका प्रधान सम्पादक भण्डारीको ‘बोरा’ उपन्यास शुक्रवार काठमाडौंमा आयोजित कार्यक्रममा विमोचन गरिए...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...