अर्ना वियरले टी–२० क्रिकेट विश्वकपको एसिया छनोटमा नेपाली खेलाडीका लागि नगद पुरस्कार घोषणा गरेको छ ।

अर्ना वियरले टी–२० विश्वकप छनोटमा नेपालका खेलाडीले बनाउने प्रत्येक रनको १ हजार, चौकाको थप १० हजार, छक्काको थप २० हजार रुपैयाँ दिने घोषणा गरेको हो ।

त्यस्तै बलिङतर्फ एउटा डट बल बराबर १ हजार, मेडन ओभरको १० हजार र हरेक विकेटमा २५ हजार रुपैयाँ दिने घोषणा गरेको छ ।

अर्ना बियरले गत भदौमा भएको एसिया कप क्रिकेटमा पनि चौका, छक्का र विकेट लिने खेलाडीलाई पुरस्कार दिएको थियो ।

टी–२० विश्वकपको एसिया छनोट सोमवारदेखि काठमाडौंमा शुरू भएको छ । 

घरेलु टोली नेपालले पहिलो खेलमा सिंगापुरलाई ८ विकेटको फराकिलो अन्तरले हराइसकेको छ ।