३० असार २०८३, मंगलबार
रुसमा काम गर्नका लागि वैदेशिक रोजगार विभागले मंसिर महिनामा ४० जनालाई श्रम स्वीकृति दिएको छ । रुस–युक्रेन युद्वका बीच ४० जनाले रुसमा काम गर्नका लागि श्रम स्वीकृति लिएका हुन् ।
३४ जना पुरुष र १ जना महिलाले व्यक्तिगत तबरबाट श्रम स्वीकृति लिएका छन् भने ५ जनाले पुनः श्रमस्वीकृति लिएको विभागले जारी गरेको प्रतिवेदनमा उल्लेख छ ।
सरकारले नेपाली नागरिकलाई रुस जान कडाइ गरेपनि श्रम स्वीकृति लिएरै श्रमिकहरु गइरहेका हुन् । रुस–युकेन युद्धमा खटिने गरी नेपाली नागरिकहरू रुसी सेनामा भर्ती भएको खबरपछि सरकारले कडाइ गरिरहेको हो ।
प्रधानमन्त्रीका प्रेस सल्लाहकार गोविन्द आचार्यले दुई देशबिच सम्झौता भएका विद्यार्थीबाहेक भिजिट भिसामा जाने, अरु ढंगले जाने सबैलाई कडाइ गरिएको जानकारी दिए । जसअनुसार सरकारले मातहतका निकायलाई सर्कुलर गरेको र सोहीअनुसार विमानस्थलमा कडाइ गरिएको उनको भनाइ छ ।
