नवलपुरको एक सरकारी विद्यालयले ब्याजमा रकम लगाएर मोटो रकम असुलिरहेको पाइएको छ। हुप्सेकोट ४, रात्वदेवमा रहेको शिक्षा बोधनी (सामुदायिक) माध्यमिक विद्यालयले ४० हजार रुपियाँ लगानी गरेर त्यसको ब्याजबापत चार लाख ६४ हजार ७९८ रुपियाँ असुलिसकेको छ भने गत असार २० गतेसम्मको ब्याजबापतको छ लाख ३६ हजार ७९६ रुपियाँ भुक्तान गर्न ताकिता गरेको छ ।

एक दशकअघि स्थानीय दिलबहादुर राईले विद्यालयबाट ४० हजार रुपियाँ ऋण लिएका थिए। अर्का स्थानीय बेलबहादुर खालसँग रकम लिनुपर्ने भएकाले त्यो ऋण उनलाई थमाइयो।

खालले पनि अर्का स्थानीय भीमबहादुर दर्लामीबाट रकम लिनुपर्ने भएकाले त्यो ऋण अन्त्यमा दर्लामोको काँधमा आयो । त्यसको ब्याज अहिले दर्लामीले बिद्यालयलाई तिरिरहेको खबर गोरखापत्रमा छापिएको छ ।