०६ साउन २०८३, बुधबार
नेपाल ल्युब आयल लिमिटेडको ३२ औं वार्षिक साधारण सभा सम्पन्न भएको छ ।
साधारण सभामार्फत कम्पनीले शेयर धनीहरूलाई ३० प्रतिशत लाभांश (२५ प्रतिशत बोनस शेयर र ५ प्रतिशत नगद लाभांश) वितरण गर्ने प्रस्ताव पारित गरेको छ ।
हाल देशभरि नै फैलिरहेको आर्थिक मन्दीले सबै व्यापारिक क्षेत्र अस्थिर र अन्योल अवस्थाबाट गुज्रिरहेको छ ।
यो स्थितिमा पनि कम्पनीले अघिल्लो वर्षझैं लाभांश पारित गरेकोमा शेयरधनीहरूले खुला प्रशंसा गरेका छन् ।
त्यस सभामा अध्यक्ष अरुणकुमार चौधरी तथा सञ्चालक समिति, कम्पनी सचिव, लेखा परीक्षक, व्यवस्थापक समूह र अन्य शेयर धनीहरूको उपस्थिति रहेको थियो ।
कार्यक्रममा ७८.४ प्रतिशत सहभागी उपस्थित रहेको थियो ।
सभालाई सम्बोधन गर्दै अध्यक्ष चौधरीले देश र बजारको वर्तमान अवस्था गम्भीर रहेको बताए ।
बजारलाई पोजिटिभ तिर मोड्न सबैले आ–आफ्नो भूमिका निर्वाह गर्नुपर्ने उनको भनाइ छ ।
नेपाल ल्युब आयलले गल्फ आयल इन्टरनेसनलको प्रत्यक्ष निगरानीमा नेपालमै गल्फ लुब्रिकेन्ट उत्पादनका साथै बिक्री/वितरण गर्दै आएको छ । गल्फ अन्तर्राष्ट्रिय लुब्रिकेन्ट ब्राण्ड हो ।
