०६ साउन २०८३, बुधबार
कास्कीको पोखरामा जारी २३ औं संस्करणको आहा–रारा गोल्डकप फूटबल प्रतियोगिताको प्रत्यक्ष प्रशारण अब डिशहोमको गो एपमा पनि हेर्न पाइने भएको छ ।
शुरूदेखि नै डिशहोमको एक्सन स्पोर्टसमा प्रत्यक्ष प्रशारण हुँदै आएकोमा अब टेलिभिजन र एपमा पनि हेर्न पाइने भएको हो ।
त्यसका लागि डिशहोमकै एप ‘डिशहोम गो’मा विहीवारको सेमिफाइनल र शनिवारको फाइनल खेल प्रत्यक्ष प्रशारण हुनेछ ।
सेमिफाइनलमा बिहविार ‘ए’ डिभिजन लिग विजेता चर्च ब्वाइज र विभागीय क्लब त्रिभुवन आर्मी भिड्दैछन् । यसको विजेताले शनिवार थ्रीस्टारसँग उपाधि भिडन्त गर्नेछ ।
थ्रीस्टारले जावलाखेल युथ क्लबलाई १–० गोल अन्तरले पराजित गर्दै फाइनलमा स्थान बनाएको थियो ।
