कात्तिक १९, २०८०
प्रधानमन्त्री पुष्पकमल दाहाल ‘प्रचण्ड’ले त्रिभुवन विश्वविद्यालयको निमित्त उपकुलपतिमा शिक्षाध्यक्ष प्रा शिवलाल भुसाललाई नियुक्त गरेका छन् । त्रिविका उपकुलपति प्रा.डा. धर्मकान्त बाँस्कोटाको चार वर्षे ...
सञ्जय लोध रूपन्देहीको मायादेवी गाउँपालिकास्थित सुण्डी माविमा कक्षा ९ मा पढ्छन् । गाउँमै कृषि गर्ने सञ्जयको परिवारलाई सामुदायिक विद्यालयमा पढ्ने छोरोको सामान्य पढाइ खर्च जुटाउन पनि समस्या छ ।
पढाइमा लगनशील सञ्जलले विद्यालयमा उत्कृष्ट भएबापत् पुरस्कार स्वरूप भैँसी पाए । आर्थिक अभाव झेलिरहेको परिवारमा सञ्जयले भैँसी पुरस्कार पाएपछि हर्ष थपिएको छ । सञ्जयका बाबा विजय लोध भन्छन्, ‘छोरोले ल्याएको भैँसीको दुध खान्छौं, केही बेच्छौं पनि । जसबाट आउने आम्दानीले छोरालाई पढाउन पनि सजिलो हुन्छ ।’
विद्यालयकै विद्यार्थी मनिषा भैँसी पाउने अभिलाषाले पढ्ने मनोबल पनि बढेको बताउँछिन् । सञ्जय र मनिषाजस्ता धेरै विद्यार्थी विद्यालयमा पढ्छन् । विद्यालयले विद्यार्थीको मनोबल र परिवारको आयस्तर पनि बढाउन विद्यालयले भैँसी उपहार दिन थालेको हो । विद्यालयले भैँसी पुरस्कार दिने भएपछि अभिभावकमा पनि आफ्ना छोराछोरी उत्कृष्ट बनाउने प्रतिस्पर्धा चलेको छ । यो वर्ष विद्यार्थीहरूले दुधालु, ब्याउने र पाडी गरेर १० वटा भैँसी विद्यार्थीले पाएका छन् ।
विद्यालयका प्राधानाध्यापक शतिशचन्द्रमणि त्रिपाठीले विद्यालय र पढाइप्रति लगाव बढाउने उद्देश्यले भैँसी पुरस्कार बाँड्ने कार्यक्रम निकै प्रभावकारी भएको बताए । विद्यालय ४ वर्षदेखि भैँसी वितरण गर्दै आएको छ । ‘तराई मधेशका विद्यार्थीहरू पढाइभन्दा काममा बढी ध्यान दिन्छन् । अभिभावको ध्यान पनि बढी काममै हुन्छ,’ प्रअ त्रिपाठीले भने, ‘यो कार्यक्रमले विद्यार्थी पढाइप्रति ध्यान दिएका छन् ।’
जिल्लाको दक्षिणी क्षेत्रका अधिकांश जनताको जिविको पार्जनको माध्यम कृषि र पशुपंक्षी हो । प्रायः गरिबीको रेखामुनि रहेका परिवारका छोराछोरी पढ्ने विद्यालयमा गरिबीकै कारण धेरैले बीचमै विद्यालय छाड्ने गर्छन् ।
अध्ययनलाई बेवास्ता गरेका विद्यार्थीहरूलाई समेत भैँसी पाउने अभिलाषाले पढ्ने प्रेरणा थपेको उनी बताउँछन् ।
विद्यालयले आयोजना गरेको पुस्तक समीक्षा प्रतियोगितामा उत्कृष्ट भएका विद्यार्थीहरूलाई भैँसी पुरस्कार दिइएको हो । पाँच वटा कक्षा समूह बनाएर प्रतिस्पर्धा गराइएको प्रतियोगितामा ७३२ जना विद्यार्थी सहभागी थिए । हरेक समूहबाट सात/सातजनालाई पुरस्कार वितरण गरिएको थियो । जसमा प्रत्येक समूहको पहिलो र दोस्रो हुने विद्यार्थीले भैँसी तथा अन्यले नगद पुरस्कार पाएका हुन् ।
हरेक वर्ष पुस्तक समीक्षा प्रतियोगिता आयोजना गर्दै विद्यालयले भैँसी पुरस्कार दिने गर्दै आइरहेको छ । अहिलेसम्म ४० विद्यार्थीले भैँसी लगिसकेका छन् । दक्षिण कोरियाका पर्वतारोही उम् होङ गिल र उनका सहयोगीले पुरस्कारबापत सहयोग रकम विद्यालयलाई उपलब्ध गराउँदै आएका छन् । भैंसी पुरस्कार पाउन कक्षामा उत्कृष्ट भएर मात्र पुग्दैन । लेखन सीप, पठनशैली र सिर्जनात्मक क्षमता बढाउनुपर्छ । सिर्जनात्मक विद्यार्थी छान्न हरेक वर्ष विद्यालयले फरक–फरक प्रतियोगिता गरेर पुरस्कृत गर्ने गरिएको प्रअ त्रिपाठीको भनाइ छ ।
विद्यालयमा १ हजार विद्यार्थी अध्ययनरत छन् । वि.स.२०२० सालमा स्थापित विद्यालय ८ वर्षअघिसम्म अन्य सामुदायिक विद्यालयजस्तै भौतिक पूर्वाधारविहीन थियो । पूर्वाधारविहीन विद्यालयलाई दक्षिण कोरियाका पर्वतारोही उम होङ गिल र उनका सहयोगीले परोपकारी काम थालेपछि विद्यालयको मुहार फेरिएको हो । ५ करोड रूपैयाँभन्दा बढीको लगानीमा २ तले आधुनिक विद्यालय भवन तयार गरिदिएका छन् । भैंसी पुरस्कारको रकम उनीहरूले नै जुटाइदिएका हुन् ।
प्रधानमन्त्री पुष्पकमल दाहाल ‘प्रचण्ड’ले त्रिभुवन विश्वविद्यालयको निमित्त उपकुलपतिमा शिक्षाध्यक्ष प्रा शिवलाल भुसाललाई नियुक्त गरेका छन् । त्रिविका उपकुलपति प्रा.डा. धर्मकान्त बाँस्कोटाको चार वर्षे ...
रूपन्देहीको तिलोत्तमास्थित शान्ति नमूना माविमा यो वर्ष कक्षा १ देखि ९ सम्म भर्ना हुन १ हजार ३६५ विद्यार्थीले आवेदन दिएका थिए । तर, विद्यालयमा ५८५ जना विद्यार्थीले मात्रै भर्ना पाए । भर्ना पाउनेमध्ये ९० प्रतिशतभन्द...
खोटाङको एक विद्यालयमा जम्मा ११ जना विद्यार्थी रहेको पाइएको छ । दुई जना शिक्षक उक्त विद्यालयमा छन् । अझ उजागर गर्नुपर्ने विषय त यो छ– दुईवटा कक्षामा एक–एक जना मात्रै विद्यार्थी छन् । दिक्तेल रु...
सप्तरी/राष्ट्र निर्माता पृथ्वी नारायण शाहका नाममा रूपनगर नन्दराज संग्रौला क्याम्पसमा छात्रवृत्ति कोष स्थापना गरिएको छ । सप्तरीको रूपनगरस्थित नाफा नकमाउने, समुदायद्वारा सञ्चालित यस क्याम्पसमा आयोजित एक समारोहमा मध...
‘डा.ओम फाउन्डेसन’ले ‘विद्यालयस्तरीय खुल्ला राष्ट्रव्यापी कविता, बाल चित्रकला र हाजिरी जवाफ प्रतियोगिता’ गर्ने भएको छ । प्रणय दिवस तथा सरस्वती पूजाको अवसरमा फाउन्डेसनका संस्थापक वर...
सामुदायिक क्याम्पसमा विद्यार्थीको हाहाकार भइरहेका बेला बुटवल कालिका क्याम्पसले यसै शैक्षिक सत्रदेखि स्नातकोत्तर तहको अध्यापन शुरू गर्न लागेको छ । बुटवल– १० रामनगरस्थित क्याम्पसले एमएममा आर्टसतर्फ अंग्रेजी र ग्र...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...