×

पालिकाबाट तालिम लिएपछि उद्यममा जोडिए गृहिणी : सरफ बनाउँदै, साबुन बनाउने तयारी

विराटनगर | असार १, २०८१

स्थानीय तहमा दलका कार्यकर्ता खुसी बनाउनकै लागि तालिम शीर्षकमा लाखौँ बजेट छुट्याउने गरिएको छ । कर्मचारीका साथीभाइ खुसी बनाउन पनि तालिमका नाममा बजेट राखिन्छ । एउटा कम्पनी दर्ता गरेर बजेट माग्न जानेको स्थानीय तहमा भीड नै लाग्ने गरेको छ । यसरी विनियोजन गरिएको बजेटमा तालिम लिने अनुहार पनि उनै हुन्छन् । सिलाइ–कटाइ, च्याउ खेती, तरकारी खेती, करेसाबारी खेती र उद्घोषणलगायत शीर्षकमा तालिम दिने गरिन्छ । तालिम लिएका अधिकांशको प्रमाणपत्र उपभोग भएको पाइँदैन । 

तर, मोरङको केराबारी गाउँपालिकाका केही महिला भने अपवाद बनेका छन् । पालिकाले दिएको तालिमपछि उनीहरू उद्यममा जोडिएका छन् । १२ जना महिला मिलेर सरफ (कपडा धुने पाउडर) बनाउन थालेका छन् । उनीहरू जनही १०–१० हजार रुपैयाँ संकलन गरेर सरफ उत्पादन गर्न थालेका हुन् । 


Advertisment

सरफ उत्पादनमा लागेका १२ जना नै गृहिणी हुन् । सीता गुरागाईं, अनुजा श्रेष्ठ, दुर्गा विक, सुमित्रा मगर, आरती रम्तेल, सावित्रा श्रेष्ठ, निशा श्रेष्ठ, ओमकुमारी विक, सरस्वती बराल, सीता रोक्का, सावित्रा श्रेष्ठलगायत छन् । 


Advertisment

null

यसअघि गाईबस्तु पाल्ने र सामान्य खेतीकिसानी गर्दै आएका उनीहरू थप अघि बढेका हुन् ।  १२ जना महिला संयुक्तरूपमा काम गर्छन् । सीता गुरागाईंको घरमा भेला भएका उनीहरू सरफ बनाउने गर्छन् । ‘हामीलाई गाईबस्तु पालेर मात्रै केही हुँदैन भन्ने लाग्यो । यसपछि छरछिमेकी मिलेर दैनिक उपभोग्य सामग्री सरफ र साबुन बनाउने तालिमका लागि अनुरोध गर्‍यौं,’ सीताले भनिन्, ‘गाउँपालिकाले तालिम दिएपछि सरफ बनाउन थालेका छौँ ।’ 

घरको काम भ्याएर फुर्सद मिल्नासाथ उनीहरू एकैठाउँमा भेला भएर आफ्नो उद्यममा लाग्छन्  । उनीहरूले उत्पादन गरेको सरफ भने स्थानीय बजारमा नै खपत हुने गरेको छ । आफैं बजारमा गएर बेच्ने गरेका छन् । यसरी बजार लगेर बेच्न थालेको महिना दिनजति भयो ।

‘अहिले शुरूवाती चरण भएकाले सबै कुरामा हाम्रो ध्यान पनि पुगेको छैन । फुर्सदको समय मात्रै उद्यमका लागि दिएका छौँ,’ सीताले भनिन्, ‘अहिलेसम्मको परिणामबाट खुसी छौँ । चुलोचौकोबाट निस्केर केही गर्न सकिन्छजस्तो लाग्न थालेको छ । अब बजारलाई पनि व्यवस्थित पार्दै लान्छौँ ।’ 

ती महिलाहरू मध्यान्ह १२ बजेदेखि दिउँसो ३ बजेसम्म भेला भएर संयुक्तरूपमा काम गर्छन् । उनीहरूले प्याकिङ गर्नेलगायत केही मशिनरी औजार पनि जोहो गरेका छन् । उनीहरूले दैनिक ९० किलोग्रामसम्म सरफ उत्पादन गर्ने गर्छन् । आफन्त तथा केराबारीका व्यापारी उनीहरूका उपभोक्ता हुन् । उनीहरूलाई मागेअनुसार उपलब्ध गराउने गरेको सीता बताउँछिन् । 

सरफसँगै अब साबुन पनि उत्पादन गर्ने उनी बताउँछिन् । थोरै लगानीमा उत्पादन गर्न सकिने उनको भनाइ छ । उनीहरू सबैले कसले के काम गर्ने भनेर पनि बाँडफाँट गरेका छैनन् । शुरूवाती चरण भएकाले सबै मिलेर अगाडि बढौं भनेर कामको बाँडफाट नगरिएको उनीहरू बताउँछन् । अब बजारको खोजीमा निस्कने उनीहरूको भनाइ छ । पहिलो चरणमा उत्तरी मोरङकै केराबारी, विराटचौक, बेलबारी, पथरी–शनिश्चरे, उर्लाबारीलगायत बजारमा पुर्याइने उनीहरूले बताए ।

स्थानीय तहहरूले तालिम दिए पनि प्रभावकारी भने कम हुने गरेको छ । यतिसम्म कि तालिम लिएकाहरूले त्यसको उपयोग नगर्ने बरु प्रमाणपत्र सिराने लगाएर सुत्ने गरेको आरोप लाग्ने गरेको छ । 

पहिलोपटक तालिममा सहभागी भएका उनीहरू भने तालिम सिरानीमा राखेर नसुत्ने बताउँछन् । ‘राज्यले गरेको लगानी उपभोग गरेर सीप विकास गर्ने हामीले योजना बुनेका थियौँ । यसमा केही हदसम्म सफल भइरहेका छौँ,’ सीताले भनिन् । 
 

माघ ५, २०८०

मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...

जेठ १२, २०८१

सार्वजनिक यात्रुबाहक सवारीसाधन अधिकांश पुरुष चालकले कुदाउने गर्छन् । काठमाडौं–पोखराजस्ता केही प्रमुख शहरमा फाटफूट ‘पब्लिक भेइकल’मा महिला चालक देखिए पनि लामो दूरीमा चल्ने गाडी महिलाले चलाए...

जेठ १९, २०८१

ढोका खोलेर भित्र पस्नासाथ प्रतीक्षार्थ ग्राहकको बाक्लो भीड थियो । थकाली खानाको स्वाद लिन टेबलमा खाना कुरेर बसिरहेका थिए सबै । वेटरलाई कामको चटारो थियो । केही टेबल पार गरेर रेस्टुरेन्टपछाडि पुगेपछि वेटर किचनक...

बैशाख २९, २०८१

भनिन्छ– मरिसकेपछि पुगिने स्वर्ग कस्तो हुन्छ थाह छैन तर जिउँदै स्वर्ग हेर्न मन लागे रारा जानु । कर्णाली प्रदेशको मुगु जिल्लामा अवस्थित रारा ताललाई धर्तीको भूस्वर्गका रुपमा चित्रण गरिन्छ । राराको सुन्दरता, हावाप...

फागुन २६, २०८०

पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...

कात्तिक १९, २०८०

समय : आइतवार बिहान ७ बजे  स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्‍याएको ठाउँ)  ‘मेरी आमालाई किन यस्तो भयो ? मलाई पनि बाँच्न मन छैन,...

बीपीको स्मृतिमा कांग्रेसले गर्नुपर्ने एउटा संकल्प

बीपीको स्मृतिमा कांग्रेसले गर्नुपर्ने एउटा संकल्प

साउन ६, २०८१

'आग्रहले भरिएको मस्तिष्कभन्दा खाली मस्तिष्क सत्यको नजिक हुन्छ' - थोमस जेफर्सन (तेस्रो अमेरिकी राष्ट्रपति) । हाम्रा प्रात: स्मरणीय नेता, विचार, सिद्धान्त र प्रथम जनक्रान्तिका प्रणेता बीपीको ४२ औं स्मृति दिवसको...

दृष्टिकोण

दृष्टिकोण

साउन ५, २०८१

गीतामा कृष्णले भनेका छन्– ‘जे भएको छ राम्रै भएको छ, जे हुनेछ राम्रै हुनेछ ।’ सुन्दा आश्चर्य लाग्न सक्छ, यस्तो कसरी हुन्छ ?  हुन सक्छ, कसैको विवाह हुँदैछ राम्रै भयो । घरगृहस्थी बन्नेछ राम्...

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

कांग्रेस–एमाले समीकरण : संकटमा एकसाथ, नीति–एजेन्डका आधारमा प्रतिस्पर्धा

साउन २, २०८१

जनमतप्राप्त पहिलो र दोस्रो दलबीचको सत्ता समीकरण सोमबारदेखि औपचारिकरूपमा अघि बढेको छ । पहिलो दलले सरकार चलाउने र दोस्रो दल प्रमुख प्रतिपक्षमा रहने सामान्य संसदीय अभ्यास हो । संसदीय इतिहासमा पहिलो र दोस्रो...

x