हास्य कलाकार हरिवंश आचार्य अस्वस्थ भएपछि अस्पताल भर्ना भएका छन् ।

उनी ब्रान्ड एम्बेस्डरको सम्झौतापत्रका लागि विराटनगर पुगेका आचार्यको नाकबाट रगत बगेपछि उनलाई अस्पतालमा भर्ना गरिएको हो  ।

विराटनगरको हिमगिरि हाइजिङको ब्रान्ड एम्बेस्डरको सम्झौतापत्रमा  हस्ताक्षर गर्न महजोडी विराटनगर आएका हुन् ।

मदनकृष्ण श्रेष्ठ र आचार्य शनिबार विराटनगर आएका थिए । उनको अहिले विराट नर्सिङ होम विराटनगरमा उनको उपचार भइरहेको छ ।

महजोडी शनिबार विराटनगरमै बसेका थिए ।

आइतबार बिहान काठमाडौं फर्कन लागेका बेला नाकबाट रगत बगेपछि उनलाई अस्पतालमा भर्ना गरिएको हिमगिरिका डाइरेक्टर प्रकाश मुन्दडाले बताए ।

आचार्यको अवस्था सामान्य रहेको उनले बताए । 

कलाकार आचार्यलाई भेट्न कोशीका मुख्यमन्त्री हिक्मतकुमार कार्की पनि अस्पताल पुगेका थिए ।