ललितपुरको महालक्ष्मी नगरपालिका- ३ बोझे पोखरी हुँदै इमाडोलतर्फ जाने भित्री सडकमा भ्वाङ परेको हो ।

बुधबार बिहान सडक भासिएपछि सवारी आवागमन अवरुद्ध भएको जिल्ला प्रहरी परिसर ललितपुरका प्रवक्ता एसपी नरेशराज सुवेदीले जानकारी दिए । 

उनका अनुसार करिब ३ मिटर सडक भासिएको​ छ ।

उक्त सडक ललितपुरबाट काठमाडौं जोड्ने व्यस्त सडक हो । उक्त सडक अहिले पूर्णरूपमा बन्द रहेको छ।

यसअघि गत साता काठमाडौं महानगरपालिकाको कार्यालय नजिकैको सडकमा पनि भ्वाङ परेको थियो ।

महानगरको कार्यालय रहेको काठमाडौं प्लाजादेखि उत्तरतर्फको सडक भासिएको थियो ।