०७ साउन २०८३, बिहीबार
नेपाल स्टक एक्सचेन्ज(नेप्से) उच्च अङ्कले घटेको छ ।
सोमबार नेप्से परिसूचक ५९.०२ अङ्कले घटेर २५२९.३३ विन्दुमा अडिएको हो ।
यस दिन बजारमा १ करोड ३५ लाख ३५ हजार ९०३ कित्ता शेयरको खरिदबिक्री हुँदा ५ अर्ब ६६ करोड ३ लाख २ हजार रुपैयाँको कारोबार भएको छ ।
अघिल्लो दिन आइतबार मात्रै नेप्से परिसूचक ११.५८ अङ्कले बढेर २५८८.३५ को विन्दुमा अडिएको थियो ।
यस दिन बजारमा १ करोड २४ लाख ८५ हजार ७३१ कित्ता शेयरको खरिदबिक्री हुँदा ५ अर्ब ९ करोड २९ लाख ४८ हजार रुपैयाँको कारोबार भएको थियो ।
आज एकै दिन चार कम्पनीको शेयर मूल्य १० प्रतिशतले गिरावट आएको छ ।
गुडविल फाइनान्स, समृद्धि फाइनान्स कम्पनी, एनआईसी एसिया फ्लेक्सी क्याप फन्ड र इस्ट्रर्न हाइड्रोपावर लिमिटेडका लगानीकर्ताहरूले सर्वाधिक घाटामा रहेका छन् ।
कारोबारका आधारमा नेपाल फाइनान्स २१ करोड १३ लाख ४२ हजार रुपैयाँको कारोबारका साथ शीर्ष स्थानमा रहको छ । सोमबार १३ वटै उपसमूहहरू घटेका छन् ।
