०९ साउन २०८३, शनिबार
पशुपति क्षेत्रको गौशाला धर्मशाला खाली गराउन काठमाडौं महानगरपालिकाको टोली पुगेपछि मारवाडी सेवा समितिले विरोध प्रदर्शन गरेको छ ।
मुद्दाको अन्तिम किनारा नलागेसम्म न्यायिक अधिकार सुरक्षित गर्नुपर्ने, ८४ वर्षदेखि निरन्तर गौसेवा गरेको हुनाले सञ्चालन गर्न पाउनुपर्ने लगायतको माग राखी समिति विरोध प्रदर्शनमा उत्रिएको हो ।
काठमाडौं जिल्ला अदालतले गौशाला सञ्चालनसँग सम्बन्धित सम्झौता रद्द गर्ने फैसला गरेपछि काठमाडौं महानगरले अन्य निकायसँग सम्झौता गरेको हो । सोही सम्झौता बमोजिम महानगरको नगर प्रहरी टोली गौशाला खालि गराउन पुगेको हो ।
महानगरले बुधवार १० बजेसम्म गौशालाको धर्मशाला खालि गर्न मंगलबार नै माइकिङ गरेको थियो ।
