चीनको प्रमुख अटोमोबाइल कम्पनी बीवाईडी, विद्युतीय सवारी साधन (ईभी) उत्पादनमा लोकप्रिय बन्दै गएको छ । विश्वभर नै कार बिक्रीमा सबैभन्दा तीव्र र लोकप्रिय ब्रान्ड बीवाईडीले सस्तो मूल्य र दक्षताले बजारमा नयाँ मापदण्ड सेट गरिरहेको छ ।​ ​

बीवाईडीको उत्पादन विधिले कम्पनीलाई विश्वभर बढ्दै गएको व्यापक मागले ईभी उद्योगको भविष्यलाई एक नयाँ दिशा दिइरहेको छ । यस्तै, बीवाईडीको लोकप्रियता बढ्नुमा विभिन्न पक्षहरू रहेका छन् । 

कम लागत र उच्च गुणस्तर

बीवाईडीले कारका ब्याट्री, मोटर र पावरट्रेनजस्ता प्रमुख पार्टहरू आफ्नै कारखानामा बनाउँदै आएको छ । यसले बाह्य आपूर्तिकर्तामा निर्भरता घटाएको छ । साथै लागत घटाउनमा ठूलो भूमिका खेलेको छ ।

यसले गर्दा बीवाईडी सस्तो मूल्यमा उच्च गुणस्तरका कारहरू बनाउन सफल भएको देखिन्छ । ​

अधिक मात्रामा उत्पादन​

बीवाईडीको उत्पादन नै ठूलो मात्रामा भएकोले कारको लागत पनि काम हुने गरेको कम्पनीको भनाइ छ । जब कम्पनीले एकै पटक धेरै सवारीहरू उत्पादन गर्छ, प्रत्येक सवारीको उत्पादन खर्च घट्दै जान्छ । यसका कारणले गर्दा पनि बीवाईडी सस्तो हुन गएको हो । कम्पनीका अनुसार सस्तो कच्चा पदार्थ र पार्टस्‌हरू आपूर्ति गर्दा पनि व्यापारिक सम्झौतामार्फत हुने हुँदा लागत कम पर्न गएको हो ।​

स्मार्ट डिजाइन

बीवाईडीले ‘८–इन–१ ई–एक्सल’ प्रणालीको विकास गरेको छ । यसले आठ प्रमुख पार्टस्‌हरू एउटै युनिटमा जोड्ने काम गर्दछ । जस्तै मोटर, इन्भर्टर, चार्जर र अन्य पर्दछन् । यस प्रणालीले उत्पादन प्रक्रिया सरल बनाउँछ र दक्षतामा पनि सुधार ल्याउने गर्दछ । यसले पनि उत्पादन लागत घटाउने र इलेक्ट्रिक कारको क्षमतामा पनि सुधार गर्दै लग्ने गरेको छ । 

कम पार्ट्स, बढी बचत

बीवाईडीले सरलीकृत डिजाइन अपनाएको छ । जसले कम र एकै मापदण्डको प्रयोग गर्छ । यसले उत्पादन प्रक्रिया छिटो र छरितो बनाउने गर्दछ । कम पार्टस्‌ले स्मार्ट एसेम्बली र कम श्रम खर्च गर्ने गर्दछ । यसले बीवाईडीलाई सस्तो मूल्यमा उत्कृष्ट गुणस्तरका कारहरू उत्पादन गर्न मद्दत पुगेको कम्पनीको भनाइ छ ।

यसका साथै कम्पनीलाई चीन सरकारले पनि सहयोग गर्दै आएको छ । कम्पनीको सफलतामा सरकारी समर्थन र अनुदानको महत्त्वपूर्ण हिस्सा रहेको छ ।  

सरकारले इलेक्ट्रिक कारहरूको उत्पादन र खरिद प्रोत्साहन गर्नका लागि ठूलो मात्रामा अनुदान र प्रोत्साहन योजनाहरू लागू गर्दै आएको छ । यसले उपभोक्तालाई सस्तो मूल्यमा ईभी खरिद गर्न प्रोत्साहित गरेको छ ।​

बीवाईडीको ठूलो उत्पादन र स्थानीय रोजगारी सिर्जना गरेको छ । स्थानीय अर्थतन्त्रमा पनि कम्पनीले ठूलो योगदान गरेको छ । यसका कारण चीन र अन्य स्थानहरूमा विकास र व्यापार अवसरहरू पनि बढेका छन् ।​

बीवाईडीले किफायती उत्पादन, नवप्रवर्तन र सरल उत्पादन प्रक्रियाहरू अपनाएर इलेक्ट्रिक सवारी साधन उद्योगमा क्रान्ति ल्याएको छ । विश्वभर ईभीको बजारलाई नयाँ दिशा पनि कम्पनीले दिएको छ साथै दिगो भविष्यमा योगदान पुर्‍याइरहेको छ ।