काठमाडौंमा बस्दै आएका थारू समुदायले मंगलबार माघी पर्व धुमधामका साथ मनाएका छन् । 

काठमाडौंको बसन्तपुर दरबार क्षेत्रबाट र्‍यालीसहित टुँडिखेलमा पुगी ‘माघी महोत्सव’को आयोजना गरी थारू समुदायले आफ्नो महान पर्व माघी धुमधामका साथ मनाएका हुन् ।

यसै, अवसर पारेर थारू समुदायले आफ्नो संस्कृति झल्कने खालको पहिरनमा सजिएर नाचगानसहितको प्रदर्शन पनि गरेका छन् । 

माघी महोत्सवमा काठमाडौंमा रहेका सबै आफन्तलाई बोलाएर मिष्ठान्न भोजनसहित शुभकामना समेत आदानप्रदान गरिएको छ ।