२८ असार २०८३, आइतबार
नेपाल स्टक एक्सचेन्ज (नेप्से) दोहोरो अङ्कले घटेको छ ।
साताको दोस्रो कारोबारका दिन नेप्से परिसूचक १०.६६ अंकले घटेर २६३३.२७ को विन्दुमा बन्द भएको छ । यस दिन बजारमा १ करोड ७२ लाख ५३ हजार ५७६ कित्ता शेयरको खरिद बिक्री हुँदा ८ अर्ब ९२ करोड ४० लाख ६५ हजार रुपैयाँको कारोबार भएको छ ।
अघिल्लो कारोबारका दिन आइतबार मात्रै १०.४१ अंकले घटेको परिसूचक २६४३.९३ को विन्दुमा बन्द भएको थियो ।
दोहोरो अंकले शेयरबजारमा गिरावट आए पनि आज न्यादी हाइड्रोपावर लिमिटेडको शेयर मूल्य १० प्रतिशतले बढेको छ ।
त्यसैगरी कारोबारका आधारमा सिन्धु विकास बैंक २९ करोड ८३ लाख ७९ हजार रुपैयाँको कारोबारसहित शीर्ष स्थानमा रहेको छ ।
