२३ असार २०८३, मंगलबार
नेपाल इन्भेस्टमेन्ट मेगा बैंक लिमिटेडले हाल अवस्थित रहेको खुशिवु शाखा कार्यालयलाई करिब ९० मिटर पश्चिममा स्थानान्तरण गरेको छ ।
काठमाडौं महानगरपालिका वडा नम्बर १७ खुशिवुमा रहेको शाखा कार्यालय २०८१ माघ २७ गते आइतबारदेखि सोही वडा भित्र करिब ९० मिटर पश्चिममा स्थानान्तरण गरिएको बैंकले जनाएको छ ।
बैंकका प्रमुख कार्यकारी अधिकृत ज्योतिप्रकाश पाण्डेले नयाँ स्थानमा रहेको शाखाको शुभारम्भ गरेका हुन् ।
यस शाखाबाट ग्राहकलाई उत्कृष्ट बैंकिङ सेवा तथा सुविधा दिने उनले बताए । खुशिवु शाखाबाट आइतबारदेखि नै सम्पूर्ण बैंकिङ सेवाहरू शुरू भएको छ ।
हाल बैंकले २८३ शाखा कार्यालय, ६५ वटा एक्स्टेन्सन काउन्टर, ६६ वटा शाखारहित बैंकिङ र २६६ वटा एटीएममार्फत सेवा दिँदै आएको छ ।
