२९ असार २०८३, सोमबार
नेपाल इन्भेष्टमेण्ट मेगा बैंकका अध्यक्ष पृथ्वीबहादुर पाँडेले शपथ ग्रहण गरेका छन् । उनले नेपाल राष्ट्र बैंकका गभर्नर महाप्रसाद अधिकारीसमक्ष शपथ ग्रहण गरेका हुन् ।
नेपाल इन्भेष्टमेण्ट मेगा बैंक लिमिटेडको गत मंगलबार बसेको सञ्चालक समितिको ६७ औं बैठकबाट पाँडे अध्यक्षमा चयन भएका हुन् ।
अध्यक्ष पाँडेले प्रचलित कानून तथा नियमानुसार सोमबार नेपाल राष्ट्र बैंकको एक कार्यक्रममा गभर्नर अधिकारीसमक्ष पद तथा गोपनियताको शपथ ग्रहण गरेका हुन् ।
उक्त कार्यक्रममा नेपाल राष्ट्र बैंकका डेपुटी गभर्नरद्वय डा. निलम ढुंगाना तिम्सिना र बमबहादुर मिश्र तथा नेपाल राष्ट्र बैंकका उच्च पदाधिकारीहरूको उपस्थिति रहेको थियो ।
