०५ साउन २०८३, मंगलबार
सरकारले विपद्पछिको पुनर्निर्माणका लागि १८ अर्ब ५० करोड बजेट विनियोजन गरेको छ ।
बिहीबार उपप्रधान तथा अर्थमन्त्री विष्णु पौडेलले प्रस्तुत गरेको आगामी आर्थिक वर्षको बजेटमा भूकम्प र मनसुनजन्य विपद्बाट क्षति भएका निजी आवास, विद्यालय, सार्वजनिक पूर्वाधार, पुरातात्त्विक एवं सांस्कृतिक सम्पदाको पुनर्निर्माणका लागि १८ अर्ब ५० करोड विनियोजन भएको जानकारी दिए ।
यसैगरी, उनले विपद्को पूर्वसूचना प्रणाली विकास गरी क्षति न्यूनीकरण गरिने उल्लेख गरे । विपद् व्यवस्थापन तथा प्रतिकार्यमा संलग्न हुने जनशक्तिको क्षमता विकास र सुरक्षित प्रविधिको अवलम्बनमा जोड दिइनेसमेत मन्त्री पौडेलले जानकारी दिए ।
‘प्राकृतिक प्रकोप, विपद् र दुर्घटनाबाट हुने क्षतिबाट सुरक्षा गर्न सम्पत्ति बीमाको दायरा विस्तार गरिनेछ’, उनले भने, ‘बीमा कम्पनीलाई ग्रामीणस्तरसम्म पहुँच विस्तार गर्न निर्देशित गरिनेछ । साइबर सुरक्षा बीमा सेवा सञ्चालन गरिनेछ । निक्षेप तथा कर्जा सुरक्षण कोषको सम्भावित जोखिम व्यवस्थापनका लागि पुनःबीमाको व्यवस्था मिलाइनेछ ।’
