०१ साउन २०८३, शुक्रबार
इरानका विदेशमन्त्री सैयद अब्बास आराघचीले संयुक्त राज्य अमेरिकासँग वार्ता पुनः सुरु गर्ने विषयमा देशले निर्णय लिन अझै केही समय लाग्ने बताएका छन् ।
सो कुरा उनले तेहरानस्थित एक अन्तर्वार्ताका क्रममा अमेरिकी सञ्चारमाध्यम ‘सीबीएस न्यूज’ लाई दिनुभएको अभिव्यक्तिमा उल्लेख गरिएको छ । उक्त अन्तर्वार्ता सोमबार सार्वजनिक गरिएको हो ।
हालैका दिनमा अमेरिकी राष्ट्रपति डोनाल्ड ट्रम्पले वार्ता चाँडै सुरु हुन सक्ने दाबी गरे पनि विदेशमन्त्री आराघचीले त्यो सम्भावना तुरुन्त सम्भव नहुने धारणा राखे ।
जुन २२ मा अमेरिकाले नतान्ज, फोर्दो र इस्फाहानस्थित इरानी आणविक केन्द्रहरूमा बम आक्रमण गरेको थियो । त्यसको प्रत्युत्तरमा इरानले कतारस्थित अमेरिकी ‘अल उदैद’ हवाई अड्डामा प्रहार गरेको थियो ।
यो आक्रमण सन् २०२५ जुन १३ मा इजरायलले इरानका केही सहरहरूमा एकतर्फी हवाई आक्रमण गरेपछि सुरु भएको संघर्षको बीचमा भएको थियो । दुवै देशबीच अन्ततः जुन २४ मा युद्धविराम घोषणा गरिएको थियो ।
