अख्तियार दुरुपयोग अनुसन्धान आयोगले सिरहाको कल्याणपुर नगरपालिकाका मेयर राम पुकार साहलाई पक्राउ गरेको छ ।

मेयर साह बुधबार दिउँसो एक लाख घुससहित रंगेहात पक्राउ परेका आयोग स्रोतले जनाएको छ । 

आयोगको कार्यालय बर्दिबासबाट खटिएको टोलीले उनलाई नगरपालिका कार्यालयबाटै नियन्त्रणमा लिएको हो ।

अन्तिम भुक्तानीका लागि एक उपभोक्ता समितिबाट एक लाख रकम घुस लिइरहेको अवस्थामा उनलाई रंगेहात नियन्त्रणमा लिएको अख्तियार स्रोतले जानकारी दिएको छ ।