२९ असार २०८३, सोमबार
आत्मदाहको प्रयासपछि गणेश नेपालीको मृत्युको घटनाबारे विपक्षी दलले संसदमा सरकारको चर्को आलोचना गरेका छन् ।
सरकारको अलग नीतिका कारण गरिब जनता आत्मदाह गर्नुपर्ने अवस्थामा पुगेको उनीहरूले बताए ।
शुक्रबार बसेको प्रतिनिधि सभा बैठकको आकस्मिक समयमा नेपाली कांग्रेस संसदीय दलकी प्रमुख सचेतक वासना थापाले सरकारको गलत नीतिका कारण नेपालीले आत्मदाह प्रयास गरेको बताइन् ।
एमालेका ऐन महरले बालेन सरकारको अत्याचारका कारण गणेश नेपालीले आत्मदाह गर्ने अवस्था सिर्जना भएको भन्दै आक्रोश व्यक्त गरे । उनले संसदभित्रै ‘बालेन सरकार मुर्दावाद’को नारा लगाए ।
राप्रपा संसदीय दलका ज्ञानेन्द्र शाहीले सरकारको गलत नीतिका कारण गणेश नेपालीले आत्मदाह गर्नुपरेको बताए । उनले प्रश्न गरे– 'काठमाडौं अर्बपतिको मात्र शहर हो ?'
