०२ साउन २०८३, शनिबार
दुई दिनदेखि थाइल्याण्डसँग सीमापार द्वन्द्व भइरहेका बेला कम्बोडियाले तत्काल युद्धविरामको माग गरेको छ । संयुक्त राष्ट्रसंघका लागि कम्बोडियाका राजदूत छिया केओले कुनै पनि शर्त बिना द्वन्द्वको अन्त्यको माग गरे ।
उनले कम्बोडियाले विवादको शान्तिपूर्ण समाधान चाहेको बताए ।
यद्यपि, थाइल्याण्डले कम्बोडियाको प्रस्तावमा अहिलेसम्म सार्वजनिक रूपमा टिप्पणी गरेको छैन ।
यसअघि थाइल्याण्डले कम्बोडियासँग सीमा जोडिएका आठ जिल्लामा मार्शल ल घोषणा गरेको थियो।
बिहीबारदेखि दुई देशबीच झडप शुरू भएदेखि कम्तीमा १६ जनाको मृत्यु भएको छ र १० हजारभन्दा बढी मानिसहरू आफ्नो घर छोड्न बाध्य भएका छन्।
थाइल्याण्ड र कम्बोडियाले एकअर्कामाथि पहिले गोलीबारी गरेको आरोप लगाइरहेका छन् ।
