२९ असार २०८३, सोमबार
भारतको उत्तराखण्डमा गत साता आएको बाढीमा बेपत्ता नेपालीको संख्या २६ जना पुगेको छ । उत्तराकाशीको धरालीमा २१ र पौडीगढवालको बंकुरामा ५ गरी २६ जना बेपत्ता भएको दिल्लीस्थित नेपाली दूतावासले जनाएको छ ।
उत्तराखण्डको उत्तरकाशी जिल्ला र पौडी गढवाल जिल्लामा क्रमशः ५ र ६ अगष्ट आएको बाढी र पहिरोमा परेर नपालीहरू हराइरहेका दूतावासले जनाएको छ ।
सडक निर्माणको काममा ज्यालादारी गर्न बंकुरा पुगेका उनीहरू सडक किनारमै टुण्ट गाडेर बसिरहेका थिए । बाढीले टेन्टसहित उनीहरूलाई पहिरोले बगाएको हो ।
उत्ररकाशीको धराली क्षेत्रमा मंगलबार आरिघोप्टे वर्षापछि खिरगंगा नदीमा आएको बाढीले गंगोत्रीमा मार्गमा पर्ने धराली बजार तहसनहस गरेको छ । गंगोत्री धामबाट बग्ने भागीरथी नदीको किनार र धामको अन्तिम बजारको रूपमा रहेको धराली बाढीपश्चात बगरमा परिणत भएको छ ।
