२९ असार २०८३, सोमबार
सेयर बजारमा पुनः दोस्रो सर्किट ब्रेक लागेको छ । बिहीबार सेयरबजार ५ प्रतिशतले घटेर नेगेटिभ सर्किट ब्रेक लागेपछि ४० मिनेटका लागि कारोबार स्थगित गरिएको हो ।
खुलेको दुई मिनेटमै पहिलो नेगेटिभ सर्किट ब्रेक लागेर २० मिनेटका लागि कारोबार बन्द भएको थियो ।
११ बजेर २२ मिनेटमा खुलेको कारोबार एक मिनेट नहुँदै दोस्रो सर्किट ब्रेक लागेको हो । अब शेयर कारोबार ४० मिनेटपश्चात पुनः सुचारु हुनेछ।
दोस्रो सर्किट ब्रेक लाग्दा बजारमा २८ करोड ७५ लाख रुपैयाँको कारोबार भएको छ । परिसूचक भने १३३.६१ अंकले घटेर २५३८.६३ को बिन्दुमा ब्रेक लागेको हो ।
शेयर बजारमा एक घण्टाअघि ४ प्रतिशतले नेप्से परिसूचक बढ्दा २० मिनेटलाई ब्रेक लाग्छ भने, २ घण्टाअघि ५ प्रतिशतले नेप्से परिसूचक बढ्दा ४० मिनेटका लागि ब्रेक लाग्छ ।
त्यसै गरी ६ प्रतिशतले परिसूचक बढेमा दिनभरि कारोबारमा ब्रेक लाग्ने गर्दछ ।
