२८ असार २०८३, आइतबार
१६ वर्षीया बालिकालाई जबर्जस्ती करणी गरेको आरोपमा उदयपुरमा एक जना पक्राउ परेका छन् ।
पक्राउ पर्नेमा चौदण्डीगढी नगरपालिका-२ चारघरे बस्ने १९ वर्षीय सञ्जय सदा रहेका छन् । उनलाई प्रहरीले सोमबार बिहान पक्राउ गरेको हो ।
सञ्जयले ती बालिकालाई जबर्जस्ती करणी गरेको भन्ने उजुरीको आधारमा इलाका प्रहरी कार्यालय बेल्टारबाट खटिएको प्रहरीले उनलाई पक्राउ गरेको हो ।
यसैगरी उदयपुरकै कटारीमा १६ वर्षीया अर्की बालिकालाई जबर्जस्ती करणी गरेको अभियोगमा कटारी नगरपालिका-९ लिम्पाटार बस्ने १९ वर्षीय भोजराज परियार पक्राउ परेका छन् । उनलाई पनि प्रहरीले सोमबार बिहान पक्राउ गरेको हो ।
भोजराजले ती बालिकालाई जबर्जस्ती करणी गरेको भन्ने उजुरीको आधारमा इलाका प्रहरी कार्यालय कटारीबाट खटिएको प्रहरीले उनलाई पक्राउ गरेको हो ।
दुवै घटनाका विषयमा प्रहरीले आवश्यक अनुसन्धान गरिरहेको जनाएको छ ।
