काठमाडौं महानगरपालिकाका मेयर बालेन्द्र (बालेन) शाह र जेनजी अगुवा सुधन गुरुङ विरुद्धको जाहेरीमा केरमेट भई नबुझिएकाले दर्ता नगरेको जवाफ प्रहरीले दिएपछि अखिलका नेताहरू जिल्ला प्रहरी परिसर काठमाडौं पुगेका छन् ।

अखिलका पूर्वअध्यक्ष समिक बडालका अनुसार प्रहरीले नबुझिएको बताएपछि अहिले केही नेताहरू छलफलका लागि जिल्ला प्रहरी परिसर, भद्रकाली पुगेका छन् ।  

बालेन र हामी नेपालका संस्थापक सुधनविरुद्ध नेकपा एमालेको विद्यार्थी संगठन अनेरास्ववियुले मंगलबार जाहेरी दिएको थियो । 

बडालसहित अखिलका महासचिव दीपक धामी लगायतले परिसर पुगेर जाहेरी बुझाएका थिए । प्रहरीले जाहेरी दर्ता गर्ने वा नगर्ने जवाफ दिनका लागि २४ घण्टाको समय दिएको थियो ।

बुधबार प्रहरीले जाहेरी केरमेट भएका कारण बुझ्न नसकेको बताएपछि अखिलका नेताहरू फेरि परिसर पुगेका हुन् ।