११ साउन २०८३, सोमबार
संयुक्त राष्ट्र शरणार्थी एजेन्सीका अनुसार, अर्धसैनिक र्यापिड सपोर्ट फोर्सेस (आरएसएफ)ले कब्जा गरेदेखि सुडानी शहर अल-फाशरबाट ६० हजारभन्दा बढी मानिसहरू भागेका छन् ।
१८ महिनाको घेराबन्दी पछि आरुएसएफ लडाकुहरू शहरमा प्रवेश गरेका हुन्, जुन समयमा शहरले भोकमरी र निरन्तर बमबारी सामना गरेको थियो ।
शहर कब्जा गरेपछि सामूहिक हत्या र मानवता विरुद्धको अपराधका रिपोर्टहरू पनि देखा परेका छन् ।
यूएनसीएचआरका प्रवक्ता युजीन ब्युनले हिंसाबाट भागेर पश्चिममा लगभग ८० किलोमिटर टाढा रहेको तविला शहरमा हालका दिनहरूमा मानिसहरूको संख्या बढेको छ ।
उनका अनुसार विस्थापित मानिसहरूले बलात्कार सहितको भयानक अत्याचारहरू बताइरहेका छन् र एजेन्सीलाई उनीहरूका लागि पर्याप्त आश्रय र खानाको व्यवस्था गर्न कठिनाइ भइरहेको छ । प्रत्येक बच्चा कुपोषणबाट पीडित छ।
अल-फाशर शहरमा डेढ लाखभन्दा बढी मानिसहरू अझै पनि फसेका छन् । यो शहर पश्चिम डार्फर क्षेत्रमा सेनाको अन्तिम गढ थियो ।
सुडानमा शक्ति संघर्ष र देशको सेना र अर्धसैनिक र्यापिड सपोर्ट फोर्स (आरएसएफ) बीच लडाइँ जारी छ।
