०५ साउन २०८३, मंगलबार
आईसीसी क्रिकेट विश्वकप लिग–२ शृंखलाअन्तर्गत बुधबार जारी संयुक्त अरब इमिरेट्स (यूएई)विरुद्धको खेलमा नेपालले आफ्नो दोस्रो विकेट गुमाएको छ ।
नेपालले दोस्रो विकेटका रूपमा आसिफ शेखलाई गुमाएको हो । ओपनर ब्याट्सम्यान आसिफ शेख दूर्भाग्यपूर्ण तरिकाले रन आउट हुँदै पेभेलियन फर्किए ।
विकेटकिपर ब्याट्सम्यान आसिफ शेखले आउट हुनुअघि ३४ रन बनाए । उनले ४८ बलको सामना गरी चार चौका पनि हिर्काएका थिए ।
१८औं ओभरको चौथो बलमा आसिफ शेख आउट हुँदा नेपालले ७८ रन बनाएको छ । पहिलो विकेटका रूपमा कुशल भुर्तेल आउट भएपछि आसिफ शेख र भीम सार्कीले ७४ रनको साझेदारी गरे ।
दुबईस्थित आईसीसी एकेडेमी ग्राउन्डमा नेपालले टस हारेर पहिले ब्याटिङको निम्तो पाएको हो ।
