३० असार २०८३, मंगलबार
राष्ट्रिय स्वतन्त्र पार्टीका (रास्वपा)का सभापति रवि लामिछानेलाई बयानका लागि नख्खु कारागारबाट सिंहदरबार ल्याइएको छ। उच्चस्तरीय जाँचबुझ आयोगले बयान लिन रविलाई सिंहदरबारस्थित आयोगको कार्यालयमा झिकाएको हो ।
जेनजी आन्दोलनको क्रममा लामिछाने नख्खु कारागारबाट बाहिर निस्किएको घटनाबारे बयान दिन लामिछानेलाई बोलाइएको आयोगका एक सदस्यले जानकारी दिए ।
सहकारी संस्थाको रकम हिनामिना प्रकरणमा मुछिएका लामिछाने पुर्पक्षका लागि कारागार रहेका बेला २४ भदौमा असुरक्षाको कारण देखाउँदै अन्य कैदीबन्दीसँगै बाहिर निस्किएका थिए ।
रवि बाहिर निस्किँदा कारागार प्रशासनले दिएको भनिएको पत्रको आधिकारिकतामा समेत प्रश्न उठेको थियो । त्यसपछि रवि पुन: कारागारमै फर्किएका थिए ।
रवि निस्किएपछि नख्खुसहित देशभरका धेरै कारागारबाट कैदीबन्दी भागेका थिए । केही कैदी फर्किएपछि करिब पाँच हजार कारागारबाहिरै छन् ।
