०५ साउन २०८३, मंगलबार
नेत्रहीन महिला टी-२० विश्वकपको उपाधि भारतले जितेको छ ।
श्रीलंकाको कोलम्बोस्थित सारा क्रिकेट मैदानमा भएको खेलमा नेपाललाई ७ विकेटले पराजित गर्दै भारतले उपाधि कब्जा गरेको हो ।
नेपालले दिएको ११५ रनको लक्ष्य भारतले १२ ओभर १ बलमा ३ विकेटको क्षतिमा पूरा गर्यो । भारतका लागि फूला सरेनले नटआउट ४४ रन बनाइन् ।
यसअघि टस हारेर ब्याटिङ गरेको नेपालले निर्धारित २० ओभरमा ५ विकेटको क्षतिमा ११४ रन बनाएको थियो ।
नेत्रहीन महिला विश्वकप भारत र श्रीलंकामा संयुक्त रूपमा आयोजना भएको हो ।
नेपालले शनिबार कोलम्बोमा भएको सेमिफाइनल खेलमा पाकिस्तानलाई सात विकेटले हराउँदै फाइनलमा भातरसँगको भेट पक्का गरेको थियो ।
भारत भने पहिलो सेमिफाइनल खेलमा अस्ट्रेलियालाई हराउँदै फाइनलमा पुगेको हो ।
