२२ असार २०८३, सोमबार
भियतनाममा केही दिनदेखि परेको भारी वर्षाका कारण आएको बाढी र पहिरोमा कम्तिमा ९० जनाको मृत्यु भएको छ र १२ जना अझै बेपत्ता छन्।
भियतनामी सरकारले देशभर १ लाख ८६ हजार घरमा क्षति पुगेको र ३० लाखभन्दा बढी गाईवस्तु बगाएको बताएको छ।
एएफपी समाचार एजेन्सीका अनुसार, पहाडी प्रान्त डाक लाक गम्भीर रूपमा प्रभावित भएको छ, नोभेम्बर १६ देखि ६० भन्दा बढीको मृत्यु भएको रिपोर्ट गरिएको छ।
भियतनामी प्रधानमन्त्री फाम मिन्ह चिनले आइतबार बिहान दक्षिण अफ्रिकाबाट भर्चुअल आपतकालीन बैठकको अध्यक्षता गरे, जहाँ उनी जी२० शिखर सम्मेलनमा भाग लिइरहेका छन्।
वैज्ञानिकहरूले जलवायु परिवर्तनले भियतनाममा मौसमसँग सम्बन्धित प्रकोपको जोखिम बढाएको बताएका छन्।
