प्रहरीले जेनजी आन्दोलनका क्रममा बैंकको एटीएम बुथ तोडफोड गर्ने एक जनालाई पक्राउ गरेको छ ।

पक्राउ पर्नेमा सिन्धुपाल्चोकको बलेफी गाँउपालिका-८ घर भई हाल भक्तपुरको मध्यपुर ठिमी नगरपालिका-७ नगदेश बस्ने २९ वर्षीय बुद्धिमान तामाङ रहेका छन् ।

उनले जेजनी आन्दोलनका क्रममा प्रहरी वृत्त ठिमीसँगै रहेको राष्ट्रिय वाणिज्य बैंकको एटीएम बुथ तोडफोड गरेको प्रहरीले जनाएको छ । 

उनलाई यही मंसिर ७ गते पक्राउ गरेर थप अनुसन्धान भइरहेको जिल्ला प्रहरी परिसर भक्तपुरका सूचना अधिकारी, डीएसपी प्रकाश जबेगुले जानकारी दिए ।