०४ साउन २०८३, सोमबार
नेपाल प्रिमियर लिग (एनपीएल) क्रिकेटको मंगलबार जारी खेलमा चितवन राइनोजले दिएको एक सय ७७ रनको लक्ष्य पछ्याउँदै जवाफी ब्याटिङमा ओर्लिएको साबिक विजेता जनकपुर बोल्ट्सका ब्याट्सम्यान अनिल साहले अर्धशतक बनाएका छन् ।
अनिल साहले केवल २८ बलमा तीन छक्का र दुई चौकाको मद्दतले अर्धशतक पूरा गरेका हुन् ।
अनिल साहको अर्धशतक जारी सिजनको एनपीएलमा बनेको २५औं अर्धशतक हो । जनकपुर र चितवनबीच जारी खेलमा बनेको यो चौथो अर्धशतक हो ।
यसअघि, जनकपुरका ओपनर ब्याट्सम्यान माज सदाकत, चितवन राइनोजका दुवै ओपनर ब्याट्सम्यान डेभिड मलान र अर्जुन साउदले अर्धशतक बनाएका थिए ।
माज सदाकतले ६३, डेभिड मलानले ८० र अर्जुन साउदले ५२ रन बनाएका थिए ।
