चिनियाँ विद्युतीय सवारी उत्पादक बीवाईडीका लागि सन् २०२५ ऐतिहासिक वर्ष सावित भएको छ । 

सन् २०२५ मा बीवाईडीले अन्तर्राष्ट्रिय बजार हिस्सालाई  मजबुत बनाउँदै शीर्ष स्थान कायम गरेको हालै सार्वजनिक भएको वार्षिक तथ्यांकले देखाएको हो ।

चीनको सबैभन्दा ठूलो ईभी उत्पादक बीवाईडीले नयाँ खेलाडीका रूपमा साओमीलाई भित्र्याउँदै अन्य कम्पनीलाई चुनौती दिएको छ ।

सन् २०२५ मा पनि बीवाईडीको दबदबा कायमै रहेको देखिएको छ ।  तथ्यांक अनुसार चीनको कूल ईभी बजारमा बीवाईडीको हिस्सा झण्डै ३४ प्रतिशत पुगेको छ । 

आफ्नो ‘डीएम ५.०’  हाइब्रिड प्रविधि र किफायती मूल्यका कारण बीवाईडीले वर्षभरिमा ४० लाख भन्दा बढी गाडी बिक्री गर्दै विश्वकै ध्यान खिच्न सफल भएको छ । 

कम्पनीका ‘ओसन’ र ‘डायनास्टी’ सिरिजहरू चिनियाँ ग्राहकको पहिलो रोजाइमा परेका छन् ।

त्यस्तै, स्मार्टफोन बनाउने कम्पनी साओमीले अटो बजारमा प्रवेश गरेको छोटो समयमै ठूलो सफलता हात पारेको छ । 

सन् २०२५ मा साओमीको पहिलो इलेक्ट्रिक सेडान ‘एसयू ७’ र नयाँ सार्वजनिक भएको ‘एसयूभी’ मोडलले बजारमा तहल्का मच्चाएको छ । 

रिपोर्टका अनुसार साओमी चीनको शीर्ष १० विद्युतीय कार निर्माताको सूचीमा पर्न सफल भएको छ, जसले विशेष गरी टेस्ला र अन्य प्रिमियम ब्रान्डको बजार हिस्सा खोसेको छ ।

सन् २०२५ अमेरिकी कम्पनी टेस्लाका लागि चुनौतीपूर्ण रह्यो । चिनियाँ कम्पनीहरूबीचको तीव्र मूल्य युद्ध र नयाँ मोडलहरूको अभावका कारण टेस्लाको बजार हिस्सा खुम्चिएर ७(८ प्रतिशतको हाराहारीमा सीमित भएको छ ।