नेपाली कांग्रेसको आधिकारिकता विवादसम्बन्धी रिट न्यायाधीश सुनिलकुमार पोखरेलको इजलासमा पेशी चढेको छ ।

निवर्तमान सभापति शेरबहादुर देउवा र निवर्तमान कार्यवाहक सभापति पूर्णबहादुर खड्काले निर्वाचन आयोग समेतलाई विपक्षी बनाएर दायर गरेको रिट सर्वोच्चका न्यायाधीश पोखरेलको इजलासमा पेशी चढेको हो ।

पार्टीको विशेष महाधिवेशनबाट निर्वाचित नयाँ कार्यसमितिलाई वैधानिकता दिने निर्वाचन आयोगको निर्णयविरुद्ध शेरबहादुर देउवा पक्ष अदालत गएको हो ।

आयोगले विशेष महाधिवेशनबाट पारित विधानदेखि निर्वाचित कार्यसमिति समेतलाई अद्यावधिक गरिदिएको थियो ।