०७ साउन २०८३, बिहीबार
अमेरिकी राष्ट्रपति डोनाल्ड ट्रम्पले बेलायतले चीनसँग सम्झौता गर्नु धेरै खतरनाक भएको बताएका छन् । ट्रम्पको यो प्रतिक्रिया बेलायती प्रधानमन्त्री केयर स्टारमर र चिनियाँ राष्ट्रपति सी जिनपिङबीचको भेटवार्तापछि आएको हो ।
बेलायती प्रधानमन्त्री स्टारमरले तीन दिने भ्रमण बेलायत र चीनबीचको सम्बन्धलाई सुदृढ बनाउने उद्देश्यले गरेका हुन् । दुई देशबीच भएका सम्झौताको उद्देश्य व्यापार र लगानी बढाउनु हो ।
प्रथम महिला मेलानिया ट्रम्पमाथि आधारित वृत्तचित्रको प्रिमियरको क्रममा ट्रम्पलाई बेलायतको चीनसँगको विस्तारित व्यापार सम्बन्धबारे के सोच्नुहुन्छ भनेर सोधिएको थियो । जबाफमा उनले भने, ‘यो उनीहरूका लागि धेरै खतरनाक छ ।’
राष्ट्रपति सी जिनपिङसँग भेट गरेपछि प्रधानमन्त्री स्टारमरले बेलायत र चीनबीचको सम्बन्ध राम्रो र बलियो स्थितिमा रहेको बताएका थिए ।
