आईसीसी पुरुष टी–२० विश्वकपको १६ औं खेलमा श्रीलंकाले ओमानलाई १०५ रनले पराजित गरेको छ । यो जितसँगै श्रीलंकालले यस प्रतियोगितामा दोस्रो जित दर्ता गरेको हो ।  

ओमानका कप्तानले टस जितेर पहिला बलिङ रोजेका थिए । श्रीलंकाले दिएको २२५ रनको जवाफमा ओमानको ब्याटिङ अपेक्षाकृत भएन । ओमानका लागि मोहम्मद नदीमले ५३ रनको सर्वाधिक इनिङ खेले ।

ब्याटिङमा श्रीलंकाको सुरुवात राम्रो थिएन । श्रीलंकाले पहिलो ठूलो झट्का केवल १५ रनमा नै भोग्यो । श्रीलंकाका दुवै ओपनरले राम्रो प्रदर्शन गर्न सकेनन् । कुसल मेन्डिस (२३) र पवन रत्नाइके (६०) ले उत्कृष्ट ब्याटिङ गरे र तेस्रो विकेटको लागि ९४ रनको साझेदारी गर्दै स्कोरलाई द्रुत गतिमा अगाडि बढाए । 

तल्लो क्रममा दासुन शनाकाको द्रुत गतिमा २० बलमा ५० रनले टोलीलाई खेलमा ठूलो योगफलमा पुर्‍याउन मद्दत गर्‍यो ।  

बलिङको क्रममा ओमान टोलीका लागि जित रामानन्दीले २ विकेट लिए भने जय ओडेद्रा र सुफयान महमूदले १–१ विकेट लिए ।