लगभग एक वर्षको समय अवधिमा ४० लाखभन्दा बढी अफगान शरणार्थीहरू आफ्नो मातृभूमि अफगानिस्तानमा फर्केको शरणार्थी र स्वदेश फिर्ती मन्त्रालयका प्रवक्ता अब्दुल मुतालिब हक्कानीले बताएका छन् । 

चालु वर्षको शुरू देखि अफगानिस्तानमा ४० लाख ७६ हजार ८०८ जना अफगान शरणार्थीहरू फर्केको जनाइएको छ । 

फर्किनेहरूमा स्वेच्छाले फर्केका र निर्वासितहरू समेत समावेश रहेको अफगानिस्तानका मिडियाहरूले जनाएका छन् । 

स्वदेश फर्केर, अस्थायी रूपमा शिविरमा बसेकाहरू सबैलाई अत्यावश्यक सहायता प्राप्त गरेपछि आ–आफ्नो गृह प्रान्तमा सारिएको आधिकारिक समाचारमा उल्लेख छ । 

सन् २०२१ अगस्टमा अफगान सरकारले सत्ता सम्हालेपछि ८० लाखभन्दा बढी अफगान शरणार्थीहरू स्वेच्छाले छिमेकी राज्य र अन्य देशहरूबाट स्वदेश फर्केको जनाइएको छ ।