अर्घाखाँचीमा कम्युनिस्टको लालकिल्ला भत्काउँदै राष्ट्रिय स्वतन्त्र पार्टी (रास्वपा)का हरि प्रसाद भुसाल विजयी भएका छन । 

हरिले नेकपा एमालेका पिताम्बर भुसाललाई १२ हजार ३७४ मतान्तरले पराजित गर्दै संसदीय यात्रा पक्का गरेका हुन् ।

हरि भुसालले ३५ हजार २३ मत ल्याउँदा एमालेका पिताम्बरले २२ हजार ६४९ मत मात्र ल्याउन सके । 

यस्तै, नेपाली कांग्रेसका विष्णु खनालले १८ हजार ९८३ मत ल्याए । 

यो क्षेत्रमा २०६४, २०७०, २०७४ र २०७९ का चार वटा निर्वाचन एमालेका तत्कालीन सचिव टोपबहादुर रायमाझीले जितेका थिए । 

रायमाझी भुटानी शरणार्थी काण्डमा मुछिएपछि अहिले जेलमा छन् ।