२० असार २०८३, शनिबार
विश्वकै व्यस्तमध्येको एक दुबई अन्तर्राष्ट्रिय विमानस्थलमा 'ड्रोनसँग सम्बन्धित घटना' का कारण उडानहरू अस्थायी रूपमा स्थगित गरिएको छ।
अधिकारीहरूका अनुसार विमानस्थलको एक इन्धन ट्याङ्कीमा ड्रोनका कारण आगलागी भएपछि सुरक्षा सतर्कता अपनाउँदै यो कदम चालिएको हो।
विमानस्थल प्रशासनले एक विज्ञप्ति जारी गर्दै यात्रु र कर्मचारीहरूको सुरक्षा सुनिश्चित गर्नका लागि सावधानी अपनाउँदै उडानहरू रोकिएको जनाएको छ। अहिले अग्नि नियन्त्रक र सुरक्षाकर्मीहरूले उक्त आगलागीलाई नियन्त्रणमा लिने प्रयास गरिरहेका छन्।
उडान स्थगित भएपछि हजारौं यात्रुहरू मर्कामा परेका छन्। विमानस्थल अधिकारीहरूले यात्रुहरूलाई आफ्नो उडानको पछिल्लो अवस्थाबारे जानकारी लिन सम्बन्धित एयरलाइन्ससँग सम्पर्क गर्न आग्रह गरेका छन्।
