२१ असार २०८३, आइतबार
बाजुरामा ३५ वर्षीय युवाको हत्या गरेको आरोपमा एक जना पक्राउ परेका छन् ।
स्वामीकार्तिक खापर गाउँपालिका-२ पुडेनी बस्ने ३५ वर्षीय सर्वाश बुढाको हत्या गरेको आरोपमा ४० वर्षीय धनबहादुर महतरालाई सोमबार बेलुकी प्रहरीले पक्राउ गरेको हो ।
धनबहादुर र उनकै १८ वर्षीय छोराले ढुङ्गा प्रहार गर्दा सर्वाशको घटनास्थलमै मृत्यु भएको भन्ने खबर प्राप्त हुनासाथ अस्थायी प्रहरी पोष्ट मुक्तिकोटबाट खटिएको प्रहरीले धनबहादुरलाई पक्राउ गरेको हो ।
प्रहरीले हाल फरार धनबहादुरको छोराको खोजी गर्नुका साथै यस सम्बन्धमा आवश्यक अनुसन्धान गरिरहेको जनाएको छ ।
